तीजमा कृत्रिम वाटर ड्रपलेटको प्रयोग

काठमाडौं भाद्र १० गते हिन्दु नारीहरुको महान चाड हरितालिका तीजको अवसरमा पशुपति क्षेत्र विकास कोषले भक्तजनको सहजताका लागि गर्मीबाट बच्न कृत्रिम वाटर ड्रपलेटको प्रयोग गरेको छ । पशुपतिनाथ मन्दीरमा यसरी कृत्रिम पानीको प्रयोग गरिएको पहिलो हो ।
तीजको दिन यसपालि पनि पशुपतिनाथ मन्दिरमा भक्तजनको ओइरो लागेको छ । श्रद्धालु महिलाहरू बिहानैदेखि पशुपति पुगेर लामो लाइन लागेका छन् ।
पशुपति क्षेत्र विकास कोषले भक्तजनको सहजताका लागि विभिन्न सुविधा दिएको छ । यसै क्रममा यस वर्ष पहिलो पटक गर्मीबाट बच्न कृत्रिम वाटर ड्रपलेट गराइएको छ ।
मन्दिरको पश्चिम ढोका अगाडि वाष्पीकरण गराइएको हो । अहिले परीक्षण गरिएको र पछि प्रभावकारी देखिए अरु बेला पनि प्रयोग गरिने बताइएको छ । विगतमा तीजको दिन महिलाहरू गर्मीले ढल्ने बेहोस हुने गरेपछि यो उपाय अपनाइएको हो ।