२१२ औं भानु जयन्तीको अवसरमा कविता वाचन

काठमाडौ असार २९, आदिकवि भानुभक्त आचार्यको २१२ औं जन्मजयन्तीको अवसरमा काठमाडौको पीस एम्बेसी बिल्डीङ्ग नक्सालमा स्रष्टाहरूले आफ्ना रचना वाचन तथा शान्ति साहित्यक सभाको आयोजना गरेर मनाएका छन् ।
विश्व शान्ति तथा एकीकृत परिवार संघ तथा सिद्धान्त अनुसन्धान महाविद्यालय संघको सयुक्त आयोजनामा शान्ति साहित्यिक सभा तथा एक लाख एक रुपैया राशीको शान्ति साहित्यिक पुरस्कार धोषणा गरिएको छ । साहित्यक सभामा आयोजक विश्व शान्ति तथा एकीकृत परिवार संघका दक्षिण एसियाका निर्देशक कृष्ण बहादुर अधिकारी सेवकले घोषणा उक्त पुरस्कारको घोषणा गरेको हुन् । गीतकार समेत रहेका अधिकारीले आदिकवि भानुभक्त आचार्यको जन्म दिन नेपाली भाषाको गौरव गाउने महान दिन भएको बताएका छन् । अधिकारीले नेपाल मात्र नभई दार्जलिङका पहाडसम्म दौरा–सुरुवाल, गुन्यु–चोलो, नरसिंहा, झ्याम्टोको संयोजनले गुञ्जायमान हुने गरेको बताए ।
संसारभर नेपाली भाषाको र भानुभक्तको प्रशंसाको शुरुवात हुनु अद्वितीय उदाहरण भएको अधिकारीको भनाई छ । ‘भानु जयन्ती केवल जन्मजयन्ती होइन, नेपाली भाषाको गौरव गाउने महान् दिन हो,’ उनले भने, ‘नेपाल मात्र होइन, दार्जलिङका पहाडसम्म दौरा–सुरुवाल, गुन्यु–चोलो, नरसिंहा, झ्याम्टोको संयोजनले गुञ्जायमान हुनु र संसारभर नेपाली भाषाको र भानुभक्तको प्रशंसाको शुरुवात हुनु अद्वितीय उदाहरण हो ।
अधिकारीले नेपाली भाषालाई अझ प्रगतिशिल र विश्व साहित्यको हिस्सा बनाउने प्रण गर्न जरुरी रहेको बताए । गीतकार अधिकारीले विश्व शान्तिका अभियन्ता डा.सन म्याङ्ग मुन र डा.हाक जा हान मुनको प्रेरणाबाटै आपूmले साहित्य मार्फत शान्ति स्थापना गर्न सकियो भनेर शान्ति साहित्यिक सभाको घोषणा गरेको जानकारी दिए ।
कार्यक्रमको प्रमुख आतिथ्यता भिम उप्रेतिले कविता वाचन कार्यक्रममा सन्तोष कुमार पोखरेल, स्नेह सायमी र रञ्जना निरौला, कृष्ण बाउँसे, भोज कुमार धमला, गंगा खतिवडा, दिप डाँगी, रिता खतिवडा, सुभाष सिंह पराजुली लगायतका १८ जना चर्चित अतिथि कविहरुले कविता वाचन गरेका थिए । कविता वाचन कार्यक्रममा अधिकांशले समसामयिक राजनीतिक, सामाजिक तथा सांस्कृतिक क्षेत्रमा देखिएको विसंगतिविरुद्ध सिर्जनामार्फत् भावना पस्किए ।